Dá gusto poder contar con exalumnos como Miguel Montoiro que nunca din que non á nosa invitación para falar da súa paixón: o mundo canino.
Miguel é desas persoas boas que no seu trato cos animais desbordan tenrura, sen perder de vista o sentidiño, lembrándonos que os animais son unha especie diferente á nosa e que debemos tratalos como tal.
Graciñas Miguel polos teus consellos e por amosarnos que a disciplina e a obediencia poden ir da man do afecto e agarimo que lle temos ás nosas mascotas.