OBRADOIRO DE SAÚDE MENTAL 3º ESO

OBRADOIRO DE SAÚDE MENTAL 3º ESO

Desde a materia de Bioloxía, en colaboración coa Asociación Xaruma organizouse o Obradoiro de saúde mental  que tan boa acollida está tendo entre o noso alumnado

 

A profesora da materia, Yolanda Rey, veu a necesidade de trasladarlles aos alumnos que o coidado do corpo e da mente van unidos, e razón non lle falta. Nesta sociedade e momento actual os casos de trastornos mentais aumentan e son xa a Pandemia do mundo occidental. De xeito lúdico, a través do xogo e promovendo a reflexión individual e en grupo, tratáronse temas tan importantes como o coidado do corpo e da mente, a depresión, os trastornos da alimentación entre outros. Os rapaces e os educadores fomos tomando conciencia do importante que é coidarnos e querernos por dentro e por fóra.

Viva a bioloxía!